Nagmula sa binhing itinanim ng magulang
Hiniling ang iyong kaligtasan
'Di maipinta ang galak nang ika'y isilang
Kanilang pag-ibig ay lubusan
Hanggang lumitaw ang kauna-unahang dahon
Natutuhan nang makipagkapwa
Lumipas man ang pagkahaba-habang panahon
Naghahatid ka pa rin ng tuwa
Sarili'y tinaguyod kahit puro pagsubok
Lumundo ma'y patuloy ang usbong
Kailan man ay hindi magpapatalo sa lugmok
Talento'y hinasa't pinayabomg
Sa kabila ng mga sakuna'y nagpursigi
Buong pagkatao ay biyaya
Mistulang tulay upang ang tanim ay maani
Minimithing bunga ng hiraya